Рафиња ја „среди“ Осасуна (ВИДЕО)

Барселона оствари нова победа во Ла Лига откако на „Камп Ноу“ ја совлада Осасуна со 2-0. Каталонскиот тим се мачеше повеќе од очекуваното, а првиот гол го постигна Рафиња дури во 70.минута.

Бразилецот беше стрелец и на вториот погодок во 86.минута потврдувајќи го триумфот на составот на Ханси Флик.

Сега Барселона има седум бода предност пред Реал Мадрид, кој има натпревар помалку, со оглед дека утре му гостува на Алавес.