Шпанскиот гигант Реал Мадрид го продолжи договорот со бразилската ѕвезда Винисиус Жуниор до 2027 година. Тој ќе добие значително зголемување на платата, а „кралевите“ во договорот ставија отштетна клаузула од една милијарда евра, впрочем како што веќе е пракса и со останатите фудбалери, пред сѐ поради најновите финансиски конкурентни клубови од Саудиска Арабија.
Винисиус Жуниор израсна во голема ѕвезда откако пред пет години дојде на „Сантијаго Бернабеу“ како 18-годишно момче. Прво настапуваше за вториот тим на Реал Мадрид, а потоа доби шанса да се наметне и во првиот состав.
Винисиус Жуниор досега има 235 натпревари во дресот на Реал Мадрид и постигнати 63 гол, а со клубот веќе освои и девет трофеи.
