Реал Мадрид го доби (2-0) градското дерби против Атлетико на „Сантијаго Бернабеу“ и направи нов голем чекор кон освојување на титулата во Ла Лига. Лука Модриќ повторно беше маестрален и диригираше со играта на „кралевите“, а најголемата пофалба ја доби од својот соиграч Винисиус Жуниор кој беше асистент на двата гола.
„Велат дека Модриќ има 36 години. Мене ми се чини дека има само 22 години. Се што прави изгледа лесно, а на теренот прави неверојатни работи и е еден од најдобрите кои ја играат оваа игра. Секогаш ни дава совети, тој е одлична личност на теренот и надвор од него. Кога играм со него, Кашемиро и со Крос, играм со тројцата најдобри во светот“, изјави Винисиус.
Реал Мадрид има осум бода предност пред второпласираната Севилја, а дури 13 бода позитива во однос на градскиот ривал Атлетико. Залихата во однос на Барселона е фантастични 18 бода.
