Во натпреварот на двата тима кои изминатиов период минуваа низ тежок кризен период, на крајот Работнички се радуваше на победа против Шкупи.
„Романтичарите“ во Чаир дојдоа до пресврт победа од 1-2 благодарение на головите на Оливер Пеев и Баже Илијоски во период од само две минути.
Домашните најпрво дојдоа до водство од 1-0 со голот на Устабаши во 28. минута…
Но, во 63. минута по убавата акција од десната страна на Гофри, Пеев донесе израмнување на 1-1.
И, по само две минути, во 65. минута одлично проигрување меѓу Илијоски и Гофри, па оној првиот донесе значајна победа за Работнички.
