Чилеанскиот интернационалец Артуро Видал ќе ја заврши кариерата на Стариот континент. Искусниот играч за врска по крајот на сезоната ќе го напушти Интер и како слободен играч ќе потпише за бразилскиот прволигаш Фламенго.
Според „Калчомеркато“, чилеанскиот играч од средниот ред веќе ги одбројува деновите пред да може да го напушти Интер и да се пресели во Фламенго. Неговиот договор со италијанскиот шампион е со важност до крајот на јуни 2023 година, но Видал ќе си замине една година порано бидејќи со миланскиот клуб се договори за предвремен раскин на соработката.
Неговата годишна плата е дури 9,5 милиони евра и со тоа Интер ќе добие можност да го олесни буџетот за платите.
