Венеција ја прекина лошата низа од три последовни порази со реми (1-1) против Јувентус. Аутсајдерот успеа да освои важен бод, а во кризата во тимот на Јуве очигледно дека се враќа на голема врата по претходните три победи. Составот на Масимилијано Алегри делуваше немоќно, посебно во второто полувреме, а да бидат маките поголеми остана и без Пауло Дибала кој се повреди на почетокот од натпреварот.
Алваро Мората во 32.минута го доведе Јувентус во водство, но Венеција заигра многу подобро во продолжението и израмни преку Матија Араму во 55.минута.
Фиорентина ја совлада Салернитана со 4-0, а Душан Влаховиќ беше двоен стрелец на овој натпревар.
