Вардар и Работнички некогаш имаа дуели за врвот, но и сега кога се наоѓаат на седмата и на осната позиција на табелата нивната градска пресметка е во фокусот на вниманието. „ Црвено-црните“ имаат финансиски проблеми, но тимот сепак успева некако да се оттргне и да се фокусира на првенствените битки. „Романтичарите“ победија по речиси три месеци против Пелистер во минатото коло, па сега сакаат да продолжат во позитивна насока и против Вардар.
Шкендија го освои Велес, а тоа значи дека Шкупи има императив да победи на гостувањето во Битола. Филип Глигоров вели дека трите бода се целта на тимот од Чаир.
„Не очекува многу тежок натпревар во Битола. Пелистер воопшто не е тим за потценување, не смееме да мислиме дека работата е однапред завршена. Мора да бидеме максимално фокусирани под „Тумбе кафе“. Верувам дека ќе успееме да ја оствариме целта“, изјави Глигоров.
Македонија ЃП гостува во Струмица и ќе ги одмери силите со Беласица. Пред десетина дена славеше убедливо со 1-4, но во куп-пресметката со истиот ривал.
Струга Трим Лум на домашен терен го пречекува тимот на Академија Пандев, а Ренова е домаќин на Силекс.
