
Вардар го „тресна“ Шкупи на арената „Тодор Проески“ со 1-0 и покажа дека и оваа сезона на него може сериозно да се смета во трката за врвот. Матеј Цветановски го донесе триумфот на вардарци со голот во 52. минута.
Тој шутираше откосо од левата страна, а голманот на Шкупи, Кристијан Наумовски, слабо реагираше и се затресе мрежата на гостите. Мартин Мирчевски можеше да постигне втор гол во 86.минута, излезе сам пред гостинскиот голман, но не беше прецизен.
Работнички славеше со 0-1 против Ренова во Тетово. Стрелец на голот беше Петар Петковски во 78.минута. Тој добро се снајде во шеснаесетникот на гостите, реагираше добро пред Шала и ја затресе мрежата на Велии.
Борец во второто полувреме успеа да го скрши отпорот на Академија Пандев. Бразилецот Фернандо Силва во 70.минута донесе водство за велешкиот тим, а Никола Прелчец осум минути подоцна го постави конечниот резултат на овој меч.
Во Битола, Пелистер и Македонија Ѓорче Петров ремизираа без голови. Вчера, Шкендија со 0-3 славеше против Беласица во Струмица, а Струга Трим Лум го совлада Силекс со 2-0.
ПРВА ЛИГА, 5.КОЛО – РЕЗУЛТАТИ
ВАРДАР – ШКУПИ 1-0
РЕНОВА – РАБОТНИЧКИ 0-1
БОРЕЦ – АКАДЕМИЈА ПАНДЕВ 2-0
ПЕЛИСТЕР – МАКЕДОНИЈА ЃП 0-0
ВЧЕРА
БЕЛАСИЦА – ШКЕНДИЈА 0-3
СТРУГА ТЛ – СИЛЕКС 2-0
Табела: Шкендија 11, Силекс 10, Шкупи 10, Работнички 8, Борец 8, Струга ТЛ 7, Македонија ЃП 7, Вардар 7, Пелистер 6, Ренова 5, Академија Пандев 3, Беласица 0.

-
МАКФУДБАЛ ТИМ НА КОЛОТО ВО ПРВАТА ЛИГА
Вардар го доби вечното македонско дерби со брзината и генијалните потези на Роџерс Мато,...
Автор makfudbal
-
(ИН)ДИРЕКТ: Јас би ја казнил Шкендија 59 меча да игра без публика!
Трагедијата во Кочани се случи, сигурно дека можеше да се превенира, но со оглед...
Автор Nikola Gjurovski

Прва лига
Гостивар му се заблагодари и на Алдаир

Евро-фудбал
Штутгарт во финалето на германскиот Куп (ВИДЕО)
