Валон Етеми со Истанбулспор ќе игра против Бандирмаспор за пласман во елитата

Македонскиот репрезентативец Валон Етеми со својот тим Истанбулспор ќе игра бараж – меч за пласман во турската елита откако го елиминира Ерзурум. Следен ривал ќе им биде Бардирмаспор, а поради овој дуел Етеми нема да може навреме да се приклучи на националниот тим и сигурно ќе го пропушти првиот меч против Бугарија во Разград на 2 јуни.

Истанбулспор загуби денеска со 0-1, но пресуден беше првиот дуел кој го доби со 4-2. Валон Етеми играше до 50.минута на овој меч.