Европската куќа на фудбалот (УЕФА) одби да ги врати руските клубови и репрезентации во своите натпреварувања за следната сезона. Покрај тоа, на Русите им е одземено и домаќинството на Суперкупот на Европа за оваа година, чиј домаќин требаше да биде Казан.
Денеска се водела повеќечасовна дискусија меѓу првиот човек на Руската фудбалска федерација и делегација на УЕФА. Русите направиле сѐ за да им биде укината забраната од европските натпреварувања, но УЕФА одлучи да не го стори тоа.
Руските клубови и репрезентации добија забрана за учество во сите европски натпреварувања од почетокот на војната во Украина минатата година.
