УЕФА го суспендираше Жозе Мурињо на четири натпревари поради навреда на судиите по финалето на Лига Европа.
Мурињо беше надвор од контрола по поразот од Севилја во Будимпешта и го чекаше главниот судија Ентони Тејлор на паркингот вербално да се пресмета со него.
За време на самото финале имаше разни зборови, а подоцна Тејлор и неговото семејство доживеаја бројни непријатности на аеродромот од навивачите на Рома.
Дисциплинската комисија на УЕФА одлучи поради сите непримерни коментари Мурињо да ги пропушти следните четири европски натпревари.
