Челси добро ја започна сезоната, но на последните натпревари не се претстави доволно убедливо, што ги чинеше бодови. Уште еден разочарувачки резултат се случи кога тимот на Томас Тухел не успеа да го совлада Евертон на својот „Стемфорд Бриџ“ играјќи 1-1.
Менаџерот ги објасни проблемите со играчите со повреди и позитивни тестови на Ковид-19 и дека се надева дека ќе собере 11 здрави играчи кои ќе можат да победат на утрешниот дуел со Вулверхемптон.
„Мораме да останеме позитивни и да се надеваме дека ќе успееме да собереме 11 играчи за да го добиеме мечот со Вулверхемптон, кој ќе биде тежок. Тие се тим против кој е тешко да се создаваат шанси за гол. Добро е што немаме повеќе позитивни тестови, но лотаријата повторно почнува денеска, кога ќе бидеме тестирани и наутро и попладне. Засега Каи Хаверц е подготвен откако тестот му беше негативен. И Матео Ковачиќ продолжи со тренинзите, но Жоргињо и Лофтус-Чик се под прашање бидејќи имаат болки. Мислам дека Премиер лигата треба да внесе малку повеќе јаснотија со протоколите“, изјави Тухел.
