Европскиот првак Челси го доби Реал Мадрид за ривал во четвртфиналето на Лигата на шампионите. По промената на домаќинството, првиот меч ќе се игра на „Стемфорд бриџ“, а реваншот во Мадрид.
Менаџерот на Челси, Томас Тухел, се надева дека неговиот тим ќе го пречека Реал со публика на трибините.
„Реал Мадрид го прави предизвикот во следната фаза од Лигата на шампионите уште поголем. Но, забраната за навивачи не става во лоша ситуација. Се надевам дека тоа ќе се промени и дека ќе се најде решение. Не знам какви се шансите за тоа, но искрено се надевам дека ќе имаме поддршка од нашите фанови“, изјави Томас Тухел.
