Со промената на кормилото, Тиквеш почна да реди победи во Втората лига – Исток сега посакувајќи и со триумф против Брегалница во дербито да го заврши есенскиот дел.
Новиот тренер Раде Цицмиловиќ смета дека неговиот тим е подготвен за победа против Брегалница, максимално самоуверено дури нагласувајќи дека за кавадарчани се освен победа ќе биде неуспех.
„Се освен победа на денешниот дуел против Брегалница за Тиквеш ќе биде неуспех. Знам дека овој состав со кој располагам е најквалитетниот во лигата и знам дека се подготвени да ги освојат трите бода. Одигравме претходно квалитетни натпревари кои можевме да ги добиеме и уште поубедливо, па сето тоа ни дава мотив и за дерби натпреварот во кој максимално борбено мора да дојдеме до победата“ – вели Цицмиловиќ.
Натпреварот меѓу Тиквеш и Брегалница на Градскиот стадион во Кавадарци се игра со почеток од 13 часот.
ВТОРА ЛИГА – ИСТОК, 14. КОЛО (денеска, 13 ч.)
Тиквеш – Брегалница
Каменица Саса – Кожуф
Беласица – Плачковица
Кит Го – Питу Гули
Победа – Осогово
Standings provided by Sofascore LiveScore
