Тричковски стрелаше за АЕК Ларнака

Македонскиот интернационалец Иван Тричковски погоди за АЕК Ларнака во ремито (2-2) на гости против Паеек и се израмни на врвот на листата на стрелците на Кипар со Садик од Докса. Досега имаат постигнато по девет гола.

Тричко реализираше пенал во 90.минута, но во судиското продолжение беше досуден пенал и за Паеек што го претвори во погодок за израмнување Капартис.

Претходно, Росалес во 68.минута го доведе АЕК Ларнака во водство, а домаќинот израмни од белата точка преку Бабиќ.