Барселона е во сериозна финансиска и играчка криза, по цели две децении не успеа да ја мине групата во Лигата на шампионите и ќе мора да се задоволи со настап во Лигата на Европа. Тоа предизвика и дополнителни турбуленици на „Камп Ноу“. Направена е трансфер – листа на која се наоѓаат и три звучни имиња.
Станува збор за голманот Марк-Андре тер Штеген, Сержињо Дест и Френки де Јонг, а тимот наводно е подготвен да ги продаде поради нивната финансиска состојба.
Нивното заминување секако дополнително би го ослабело и онака скромниот состав на каталонскиот великан, но финансиите се огромен проблем и едноставно нешто треба да се направи во наредниот период. Долговите на каталонскиот гигант се повеќе од една милијарда евра.
