Борусија Дортмунд влезе во резултатска криза во Бундес-лигата. „Милионерите“ го забележаа третиот последовен пораз на домашен терен откако доживеаја дебакл од Штутгарт (1-5). Младинскиот репрезентативец Дарко Чурлинов доби неколку минути во финишот, а Штутгарт долго ќе го памети овој триумф.
Силас Вамангитука од пенал донесе водство за гостите, а израмни Џовани Рејна. Вамангитука повторно погоди за предност на Штутгарт во 53.минута, а потоа стрелаа и Форстер, Кулибали и на крајот Гонзалез.
Лајпциг со 2-0 го совлада Вердер, со головите на Сабицер од пенал и на Дано Олмо. Фрајбург беше подобар од Арминија Билефелд, а Келн на гости го доби Мајнц (0-1).
