Вардар го победи Тиквеш, Пелистер ја совлада Брера

Најтрофејниот македонски клуб Вардар во финишот го скрши отпорот на Тиквеш и славеше со 3-1, враќајќи се на првото место на табелата пред репрезентативната пауза.

Ворен Чимбембе го отвори резултатот во корист на Вардар, а Тиквеш израмни од пенал во 45.минута преку Иван Ивановски. Најстрогата казна беше досудена по реакција од ВАР собата.

Вардар во вториот дел создаде неколку шанси, а во финишот дојде и до триумф. Едиз Спахиу во 81.минута погоди за 2-1, а четири минути подоцна Мато ги потврди трите бода.

Пелистер на домашен терен ја победи Брера со 1-0 и освои три важни бода во трката за опстанок. Вилдан Керим во 21.минута беше стрелец на победничкиот гол за „зелените“.