Адама Траоре се појави како изненадувачка трансферна цел на тренерот на Челси, Томас Тухел. Германскиот стратег сака да ја зголеми конкуренцијата на десната странична позиција, известуваат англиските медиуми.
И покрај одличната игра на Рис Џејмс во финалето од Лигата на шампионите, Тухел сака дополнително да ја подобри десната страна, како во одбраната, така и во нападот, а идеалното решение го гледа во ѕвездата на “волците”.
Ова треба да биде дел од уште една масовна трансфер – кампања на “Стемфорд Бриџ”, со оглед дека Германецот е подготвен да изврши голема револуција во составот на “сините”, но и да дозволи продолжување на договорите на клучните фудбалери. На листата на нови потенцијални засилувања се спомнуваат и Ромелу Лукаку од Интер и Деклан Рајс од Вест Хем.
