Тотенхем конечно стави крај на лошата резултатска серија и славеше убедлив триумф над Њукасл. Тимот на Постекоглу оствари победа од 4-1 и потсети на стартот на сезоната кога беше во победнички ритам.
Удоги го отвори резултатот во 26.минута, а Ришарлисон зголеми на 2-0 во 38.минута.
Бразилецот беше стрелец и на третиот гол, а серијата голови на домаќинот ја затвори Хјонг – Мин Сон.
Њукасл постигна почесен гол преку Жоелинтон во судиското продолжение.
