Тотенхем сака да го ангажира Леандрo Тросар од Брајтон, а во трката е и Челси. Антонио Конте е силно заинтересиран за белгискиот напаѓач кој е во немилост на Брајтон и новиот менаџер Роберто Де Зерби.
Оваа сезона Тросар одигра 23 натпревари во Премиер – лигата, ФА Купот и за белгиската репрезентација и постигна девет гола. Но, не е во добри односи со Де Зерби, а тоа јавно го посочи и неговиот агент.
Тросар е проценет на 30 милиони евра, а неговиот договор со Брајтон е до летото 2024 година.
