Арно Данџума повторно ќе игра во Премиер – лигата, но не во тимот на Евертон, туку во Тотенхем. Неочекуваниот пресврт дојде денеска, откако „карамелите“ веќе се договорија со Вилјареал, а самиот напаѓач беше на лекарски прегледи и во секој момент требаше да потпише договор.
Во последен момент, сепак, Тотенхем се договори со шпанскиот клуб да го доведе Холанѓанецот на позајмица, кој исто така повеќе сакаше да игра за место во топ 4 отколку да се бори за опстанок со тимот на Евертон.
Данџума сега патува за Лондон за да мине медицински прегледи и во Тотенхем.
Данџума има искуство во Премиер – лигата каде што играше за Борнмут во сезоната 2019/20 година.
