Арсенал се врати во победнички ритам откако на домашен терен ја совлада Астон Вила со 3-1. „Топчиите“ доминираа на овој натпревар, посебно во првото полувреме кое го добија со два гола предност. Томас Парти во 23.минута донесе водство, а Пјер – Емерик Обамејанг од втор обид по нереализираниот пенал зголеми на 2-0.
Емил Смит Роу во 56.минута ги разреши дилемите околу победникот, а Џејкоб Рамзи во финишот постигна почесен гол за гостите на овој меч.
