Досегашниот селектор на Бразил, Тите (61), остана без работа по поразот од Хрватска во четвртфиналето на Светското првенство во Катар. Бразилските медиуми јавуваат дека Тите денеска бил и ограбен, отљако на Бадник решил да се прошета во буржоаската населба Бара да Тијука каде што живее.
Разбојникот му го одзел паричникот, но и го прекорил Тите за испаѓање од Мундијалот.
Кога Бразил беше елиминиран од Белгијците на Светското првенство во Русија пред четири години, Тите и неговото семејство се повлекоа во изолација за да го избегнат гневот на фанатичните бразилски навивачи.
Фудбалската конфедерација на Бразил деновиве треба да го назначи неговиот наследник.
