Фудбалерот на Челси, Тимо Вернер не успеа да се снајде во Лондон и на лето ќе го напушти актуелниот европски шампион. Беше донесен како големо засилување од Лајпциг, но никогаш не успеа да влезе во голгетерска форма на „Стемфорд Бриџ“.
Тој веќе подготвил стратегија за заминување и на тренерот Тухел и на раководството на клубот им соопштил дека веќе нашол нов клуб.
Тоа е Борусија Дортмунд која брза да најде замена за Ерлинг Халанд, кој ќе го напушти клубот по завршувањето на сезоната.
Вернер постигна 91 гол на 222 натпревари во Бундес – лигата и очекува да се врати во голгетерската форма од времето кога играше за Лајпциг.
