Македонскиот прволигаш Тиквеш ја продолжи соработката со напаѓачот Александар Мишов. Тој ќе остане во клубот од Кавадарци и следната сезона.
Офанзивецот е првиот играч што го продолжува договорот со кавадарчани. Тиквеш сезонава во финишот го обезбеди опстанокот во Првата лига, но амбициите сигурно ќе бидат повисоки во наредниот период.
26-годишниот Мишов во минатото уште двапати го носеше дресот на Тиквеш, а исто така настапуваше за Брера, Борец, бугарскиот Етар, казахстанскиот Туран и грузискиот тим Самтредија.
