Само два месеци откако во трансфер вреден половина милијарда евра од ПСЖ се пресели во саудискиот Ал-Хилал и по враќањето од една од многуте повреди, Нејмар тешко се повреди. На натпреварот меѓу Уругвај и Бразил (2-0) во квалификациите за СП 2026 година, тој се повреди при дуел со противнички фудбалер. Во истиот момент, почна да плаче и гестикулираше во агонија.
Беше јасно дека Нејмар не може да продолжи. Го однесоа од теренот на носилки.
Првите извештаи велат дека е очигледно дека претрпел ротација на коленото и поместување на тибијата. Но, постои сомневање за сериозна повреда на вкрстените лигаменти на коленото на левата нога и менискусот.
Операцијата се чини дека е неизбежна. Доколку тоа се случи, Нејмар го чека пауза од шест до девет месеци. Тоа значи дека за него сезоната е завршена, но и дека ќе ја пропушти Копа Америка.
