Германскиот голман Марк-Андре тер Штеген неодамна се повреди, а Барселона ќе остане без него подолго од очекуваното, најмалку три месеци, па тренерот Чави Хернандез е решен доведе нов голман.
Барселона моментно има само еден голман во првиот тим и тоа е Шпанецот Ињаки Пења, кој го чува голот на последните три натпревари на Каталонците и мора да се признае дека не разочара.
Сепак, и покрај ова, Чави смета дека сепак му е потребен нов квалитетен голман кој ќе го замени повредениот Тер Штеген, кој би бранел барем до крајот на сезоната. Негова желба е искусниот Давид де Хеа, кој сѐ уште е без клуб откако летото се раздели со Манчестер Јунајтед.
