Атлетико Мадрид со гол во 95. минута успеа да избегне пораз од Реал Мадрид (1-1) во дербито на осмото коло на Ла Лига. Мадридското дерби донесе прекин од 15 минути, тензии, картони, исклучувања, и два гола.
Реал поведе преку Милитао и беше блиску до победата, но Анхел Кореа донесе бод за својот тим.
Првиот гол падна во 65. минута. По кратко изведен слободен удар, Винисиус нафрли од левата страна, топката стигна до Едер Милитао, а тој со силен удар ја затресе мрежата за 0-1.
По прославата се случи скандал и прекин, а судијата ги повлече екипите од теренот.
Во 95. минута, Анхел Кореа доби топка, го мина и Куртоа и успеа да ја погоди мрежата за израмнување.
