Килијан Мбапе е една од најголемите ѕвезди на светскиот фудбал и голем адут на Франција. Но, можело се да биде поинаку, затоа што неговиот татко Вилфрид имал желба тој на почетокот од кариерата да заигра за неговата родна земја, во репрезентацијата на Камерун.
Сепак, во периодот кога Килијан Мбапе се уште бил само талентирано момче, на Вилфрид му побарале мито за тој да заигра за фудбалската репрезентација на Камерун.
„Најпрво сакав мојот син да игра за Камерун, но некој од Камерунската фудбалска федерација ми побара огромна сума пари што не сакав да ја платам. Тоа беше бариерата за Килијан да почне да настапува за Камерун. Кога дојде време, Французите не ми наплатија ништо, туку беа среќни мојот син да игра за оваа репрезентација. Морам со жалење да кажам дека корупцијата ги убива соништата на нацијата во Камерун“, изјави Вилфрид Мбапе во интервју по повод неодамна завршениот Африкански куп на нации.
