Поминаа 9 кола од Првата фудбалска лига, а имаше најмалку 99 жалби, поплаки и соопштенија од клубовите дека судиите се виновни што го загубиле натпреварот. Дали квалитетот на судењето во Македонија е најслаб во историјата на лигата? Ова го искажа гласно како став тренерот на Вардар, Александар Васоски, по дебаклот што неговиот тим го доживеа против Шкендија во Скопје.
Работнички прими „нерегуларен“ гол во Кратово во последните мигови од мечот и го загуби натпреварот со 4-3. Обвини и дека домаќинот скандалозно го прекинал напојувањето со електрична енергија во сегментот на стадионот каде што се поставени ТВ камерите и скандалозниот гол не одеше во директен интернет пренос на платформата на ФФМ.
На судењето се жалеа претходно и Борец, Пелистер, Беласица, речиси сите клубови од Првата лига.
Денеска претставниците на клубовите ќе имаат средба со првиот човек на Судиската организација, Емил Божиновски, како и со комесарот за натпреварување, Игор Франговски. Одборот на прволигаши, кој сега функционира под капата на ФФМ, сака да добие јасни и прецизни одговори, дали судиите и нивниот очаен квалитет директно го уништуваат македонскиот фудбал…
