Атлетико Мадрид ја оствари 20. победа во Ла Лига оваа сезона откако на „Ванда Метрополитано“ го совлада Алавес со 1-0. Луис Суарез и Јан Облак го носеа тимот на Диего Симеоне до триумф на овој меч. Сега Атлетико Мадрид повторно има шест бода предност пред Реал Мадрид и седум бода позитива во однос на Барселона, која вечерва му гостува на Реал Сосиедад.
Алавес одолеваше едно полувреме, но Луис Суарез во 54.минута донесе предност за домашниот тим. Беше тоа гол број 500 за Уругваецот во кариерата.
Алавес имаше одлична можност за израмнување во 86.минута. Сепак, Хоселу не успеа да реализира пенал. Јан Облак го одбрани неговиот удар од белата точка.
