Напаѓачот на Атлетико Мадрид, Луис Суарез ги сподели своите емоции по неговиот 500. гол во кариерата. Со шпанскиот клуб јуриша кон шампионската титула, но никогаш нема да го заборави периодот во Холандија, настапите за Гронинген и за Ајакс. Претходно беше дел и од Ливерпул и Барселона.
– Петсто голови, па дури и повеќе спомени. Сè започна во Уругвај. Кога дебитирав во мојот тим од соништата од детството Национал од Монтевидео, мислев дека нема ништо подобро од ова. И тогаш ја освоивме шампионската титула. Бев подготвен да го направам следниот чекор, а преселбата во Европа на 19 години беше голема работа. Не можев да го сторам ова без доверба и поддршка од луѓето во Гронинген, и во клубот и од навивачите.
Амстердам ме направи ова што сум денес. Нема подобро место за учење и растење како играч. Да се биде капитен на ваков клуб е најдоброто нешто што го постигнав во мојата кариера. Ливерпул беше посебен. Врската со навивачите ме инспирираше да го прифатам предизвикот да се натпреварувам во ваква конкурентна лига. Барселона, неверојатен град, ме пречека со раширени раце. Бев во можност да играм со најдобрите играчи во светот и да ја освојам Европа. Што повеќе би можел да побарам?
Сега Мадрид е местото каде што уживам и се борам за клубот. Сакам да постигнам уште многу голови тука и се надевам дека навивачите наскоро ќе се вратат на стадионите за да можеме сите заедно да славиме. Претставувањето на мојата земја на најважните стадиони во светот отсекогаш била моја најголема чест. Можеби не го знаете ова, но вие учествувавте во сите голови што ги постигнав. И денес им благодарам на сите навивачи кои ме поддржуваа во моите тимови сите овие години, од Монтевидео до Мадрид, од 0 до 500 погодоци. И што друго претстои … – напиша Суарез на Инстаграм.
Уругваецот вчера го постигна јубилејниот 500-ти гол во кариерата.
