Македонскиот првак Струга Трим Лум го засили својот тим со напаѓачот од Буркина Фасо, Басиру Компаоре. Тој потпиша едногодишен договор, со можност за продолжување на уште една сезона.
Станува збор за 25-годишен играч кој последните две години ги мина во шпанскиот фудбал, настапувајќи за екипи од третата и четвртата лига, а до неодамна го носеше дресот на Талавера.
Компаоре кариерата ја започна во својата татковина, во тимот на Сонабел, а потоа играл во Мароко и во Тунис.
