Македонскиот репрезентативец Столе Димитриевски конечно имаше настап за Валенсија, застанувајќи на голот во натпреварот против нисколигашот Парла на стартот од Копа дел Реј.
Димитриевски беше сигурен на голот и, како што е познат од неговите настапи за македонската репрезентација, успеа да ја сочува својата мрежа недопрена. Валенсија го доби натпреварот со минимален резултат од 0-1, благодарение на голот на Пепелу во 20. минута.
Во македонската репрезентација, Димитриевски има неверојатна серија од 531 минута без примен гол, а сега овој успех го пренесе и во својот клуб.
