Селекторот на фудбалската репрезентација на Србија, Драган Стојковиќ, потврди дека ги планира претстојните квалификации за Европското првенство во 2024 година и демантираше дека неговата иднина на клупата на тимот е неизвесна.
„Им честитам на Швајцарците за заслужената победа. Сигурно не сме задоволни од резултатот, што е нормално, но со оглед на проблемите што ги имавме од доаѓањето на СП, земајќи ја предвид физичката подготвеност, поточно повредите на клучните играчи… Направивме се за да ги вратиме, да бидеме на услуга на тимот, но тоа ни беше голем проблем. Момците дадоа колку што можеа, дадоа се од себе, но за ова ниво на натпреварување тоа не е доволно. Но, има легитимни причини зошто е тоа така и не можам да барам повеќе од нив“, изјави селекторот на Србија.
Следното прашање беше дали селекторот ќе остане на својата функција и кои се идните планови?
„Во март веќе ги почнуваме квалификациите за ЕП и имаме голема желба да се пласираме на тој турнир по 24 години. Секако дека ќе бидам многу посреќен доколку моите играчи се здрави и во добра форма“, истакна Пикси.
