Легендата на Ливерпул, Стивен Џерард, пристигна во Истанбул каде ќе преговара со раководството на турскиот шампион Трабзонспор за преземање на тренерската позиција. Клубот моментно разгледува различни опции за нов тренер, а поранешниот играч од средниот ред на Англија е фаворит број 1 за оваа функција.
Во моментов Трабзонспор е без претседател, а раководните операции во клубот ги извршува потпретседателот Ертурул Доган и токму тој во последните денови имал разговори со Џерард. Новиот претседател на Трабзонспор се очекува да биде избран на 26 март.
Кандидат за претседателската функција е Доган, а според медиумите во Турција доколку биде избран, назначувањето на Џерард за тренер на тимот е речиси сигурно.
