Претседателот на Србија, Александар Вучиќ, најави дека северниот сосед во текот на оваа година ќе започне со изградба на национален стадион. Тој ќе се наоѓа во близина на излезот на автопатот Белград – Сурчин.
„Изградбата на стадионот ќе биде огромен проект за целата општина, но и за целата земја. Недалеку од стадионот ќе се гради и спојување на автопатот, па пристигнувањето ќе биде уште полесно. Србија во моментот е најголемото градилиште во Европа“, изјави Вучиќ.
Се работи за национален стадион со капацитет од 55.000 седишта и за неговата изградба ќе се издвојат 250 милиони евра.
