Наполи загуби од Емполи на домашен терен и заостана во трката за врвот на табелата во Серија А. Згора на тоа, Лучијано Спалети остана без Елиф Елмас кој се повреди, а Пјотр Зиелински се пожали на тешкотии при дишењето.
„Не сакам да кажам ништо за судењето и особено за ситуацијата со Елиф Елмас, бидејќи веќе еднаш сум казнет. Имаше контакт, но повеќе сакам да зборувам за самата игра“, изјави Спалети.
„Нормално е фудбалерите кои се вратија по коронавирус да се далеку од оптималната форма. Имавме одредено подобрување во вториот дел, но недоволно. Гостувањето во Милано за една недела може да поправи многу работи. Мора сериозно да се подготвиме за овој натпревар“, додаде Спалети.
