Наполи го победи Лестер со 3-2 и го освои второто место во групата во Лига Европа продолжувајќи со настапите во второто по квалитет европско натпреварување. На овој меч блескаше македонскиот „дијамант“ Елиф Елмас кој постигна два гола.
Новинарите го прашаа Елмас на која позиција се снаоѓа најдобро, а тој ги упати кон шефот Лучијано Спалети. А шефот, полн со пофалби за игрите на Македонецот.
„Тој е едно прекрасно момче, а како фудбалер е вистински благодет затоа што може да игра буквално на било која позиција. И, кога сте во неволја, тогаш го ставате во игра Елмас и тој секогаш ќе придонесе многу за тимот. Елмас оваа сезона одигра 29 натпревари, и каде и да е потребен на теренот, тој секогаш ќе ви го донесе тоа што ви е потребно“, изјави Спалети.
