Состави: Миовски во нападот на Македонија, Италија со триото Берарди – Распадори – Киеза

МАКФУДБАЛ во Рим, Никола Ѓуровски

Македонија ќе игра со Бојан Миовски во нападот и со Елиф Елмас како негова поддршка. Селекторот Благоја Милевски се одлучи да не менува премногу, но во средниот ред и Аријан Адеми, заедно со Енис Барди и со Агон Елези.

На голот е Столе Димитриевски, централното одбранбено трио го сочинуваат Јован Манев, Никола Серафимов и Висар Муслиу. На десната странична позиција е Бојан Димоски, а лево ќе делува Езгјан Алиоски.

Италијанците напаѓаат со тројца фудбалери, Доменико Берарди, Џакомо Распадори и Федерико Киеза. Во средниот тим на Лучијано Спалети се Жоргињо, Барела и Бонавентура.

На голот е Џанлуиџи Донарума, а во одбраната пред него се Дармијан, Гати, Ачерби и Димарко.

Натпреварот на „Олимпико“ е закажан за почеток во 20.45 часот.