Состави: Македонија напаѓа со Јаховиќ, во средниот ред и Костадинов…Германците се ултра офанзивни

Познати се официјалните состави за вечерашната пресметка меѓу Македонија и Германија во квалификациите за СП 2022 во Катар. Селекторот Благоја Милевски се реши за Адис Јаховиќ како најистурен во нападот, а на клупата е Трајковски. Во средниот ред шанса доби Тихомир Костадинов со Бобан Николов и со Аријан Адеми.

Во одбраната се враќа Висар Муслиу во тандем со Дарко Велковски.

Германците се ултра офанзивни. Селекторот Ханси Флик одреди формација во која најде место за Гнабри, Милер, Хаверц и за Вернер. На голот е Нојер, во средниот ред се Кимих и Горецка.