Манчестер Јунајтед е заинтересиран за крилниот фудбалер на Вулверхемптон, Педро Нето. Португалецот игра одлично оваа сезона во Премиер – лигата и зад своето име има пет гола и пет асистенции. Менаџерот на „ѓаволите“, Оле Гунар Солскјер смета дека тој би бил квалитетно засилување за тимот.
Прва опција на „Олд Трафорд“ и понатаму е Џејдон Санчо, но прашање е дали Борусија Дортмунд ќе одлучи во ист преоден рок да остане без двајцата најдобри фудбалери, Санчо и Халанд. Затоа Солскјер размислува и за други оции, а една од нив е и Педро Нето.
