Францускиот фудбалер Жорис Гнањон потпиша за Сент Етјен пред десет дена откако беше без клуб неколку месеци. 25-годишниот дефанзивец реши да ја напушти Севилја и се врати во Франција.
Меѓутоа, кога се појави на тренингот на францускиот клуб, многумина беа изненадени од неговиот изглед бидејќи не можеа да поверуваат колку Гнањон се здебелил за само неколку месеци.
Француските медиуми објавија дека тој се здебелил 20 килограми бидејќи минатата сезона не играл во Севилја, а тоа оставило трага на неговата физичка кондиција.
Работата да биде полоша за овој дефанзивец еден од неговите соиграчи од Сент Етјен воопшто не го препознал, па мислел дека е обезбедување на стадионот кога го видел во тренинг центарот.
