Селекторот на фудбалската репрезентација на Аргентина, Лионел Скалони, го објави списокот на играчи за претстојните пријателски натпревари против Панама и против Курасао.
Во првите натпревари по освојувањето на титулата на Мундијалот во Катар, Аргентина ќе игра со Панама на 23 март на „Монументал“ во Буенос Аирес, додека пет дена подоцна ќе биде домаќин на Курасао во Сантијаго дел Естеро.
На списокот на Скалони, меѓу другите се Лионел Меси, Анхел ди Марија и Алехандро Гарначо, кој првиот повик го заработи со добрите настапи во Манчестер Јунајтед.
44-годишниот Скалони претходно оваа недела го продолжи договорот до 2026 година.
