Манчестер Сити успеа да обезбеди пласман во полуфиналето на ФА купот на Англија, откако со пресврт на гости го совлада Борнмут со 1-2. Во полуфиналето на „Вембли“, „граѓаните“ и очекува дуел со Нотингем Форест.
Борнмут поведе со голот на Еванилсон во 21.минута, откако седум минути претходно Ерлинг Халанд не успеа да реализира пенал.
Сепак, Норвежанецот успеа да израмни на 1-1 на почетокот на второто полувреме, а пресвртот го донесе Омар Мармуш во 63.минута. Двоен асистент беше младиот Нико О’Рајли.
