Менаџерот на Манчестер Сити, Пеп Гвардиола, можеби е заразен со коронавирусот. Тој добил нејасен резултат на првиот тест за Ковид-19, поради што неговата денешна прес-конференција беше откажана.
Првите тестови покажаа дека Гвардиола мора да биде изолиран, па сега треба да се почека ПЦР – тестот, пред да се официјализира каква е неговата здравствена состојба.
Доколку се потврди дека е позитивен на Ковид-19, тој не би можел да го води натпреварот на својот тим против Њукасл. Се поголема е бројката на заразени во Премиер – лигата и големо прашање е дали воопшто ќе се одигра колото, со оглед дека неколку натпревари веќе однапред се одложени.
