Лидерот Ливерпул речиси и без поголеми проблеми славеше на гостувањето кај Манчестер Сити (0-2) во дербито од 26. коло на Премиер – лигата, правејќи голем чекор кон нова шампионска титула.
„Црвените“ предводени од Арне Слот влегоа мотивирано во мечот и ги обезбедија трите бода уште во првото полувреме, благодарение на головите на Мохамед Салах и на Доминик Шобошлаи.
Манчестер Сити се мачеше во одбраната и не успеа да се врати во натпреварот, иако во второто полувреме имаше неколку солидни шанси за погодок.
Ливерпул сега има 11 бода предност пред Арсенал, додека „граѓаните“ на Пеп Гвардиола остануваат со 44 бода на четвртата позиција на табелата.
