Силекс надмоќен против казахстанскиот Актобе

Македонскиот прволигаш Силекс продолжува со добри игри и резултати на зимските подготовки во Анталија. Кратовци денеска славеа со 3-0 на тестот против казахстанскиот тим Актобе. Ова покажува дека тимот на Горан Симов одлично работи на подготовките. 

Силекс сите три гола ги постигна во второто полувреме. Кристијан Костовски беше двоен стрелец и погоди во 53. и во 62.минута, а мрежата на Актобе ја затресе и Дарко Гроздановски во 79.минута од мечот.