Македонскиот претставник во Лигата на шампионите, екипата на Силекс со победа ги почна подготвителните натпревари ова лето.
На првиот тест дуел, кратовци триумфираа против повратникот во елитното друштво, Беласица со 0-1. Силекс до победата дојде со погодокот на Тантуровски уште во 5. минута од средбата.
На тест дуел во Гостивар, пак, екипата на Ренова со 2-0 триумфираше против второлигашот Вардар Форино. Стрелци на головите за „гипсарите“ беа Емран Рамадани во 50. минута и Шефит Шефити во 65. минута од натпреварот.
На натпреварот во Велес, Борец ремизираше без голови со кавадаречкиот второлигаш Тиквеш.
